محمد هنيدي نجم الإنتقال

أصدقائي الأعزاء، السلام عليكم ورحمة الله وبركاته،،

عاوز اتكلم معاكم في التدوينة دي عن نجم الكوميديا المصري محمد هنيدي اللى كلنا طلعنا زمان علي أفلامه وايفيهاته الكوميدية. واللي زي أغلب نجوم جيله شمعته إنطفت لفترة كبيرة ومحدش بقي بيشوفه غير في اللقاءات اللى بيدعوه ليها.

لكن هو إختلف عنهم جميعاً بما فيهم النجوم اللى لسه شغالة لغاية دلوقتي. محمد هنيدي نجح بقوة حسه الفكاهي في إنه يتصدر كل صفحات الـ Social Media عن طريق صور لمواقفه الكوميدية في أفلامه ومسرحياته، أو من خلال تويتاته اللى بتطلع في أوقات غريبة وقوية.

مين فينا ما شافش لما اتريق علي Triple H وردود فعله بعد كده. وبعد كده لما دخل على شيخ تركي آل شيخ واتحداه في ماتش بلاي ستيشن.

هنيدي نجح إنه يطلع من الحفرة اللى وقع فيها اغلب جيله واتنسوا، بس طلع بإستخدام تويتر. نشره لتويتات كوميدية علي حسابه فى تويتر ودخوله في نقاشات مع ناس مشهورة زي أبو تريكة ومحمد صلاح خلاه رجع تاني وبقاله ظهور قوي على الـ Social Media.

ونقدر نقيم ظهوره من عدد المتابعين followers اللى وصل فوق الـ 3 مليون متابع بنشره حوالي 500 تويتة بس !!

عامة انا مش بحسد بس معجب بعودته بصراحة ^_^ تقدروا تتابعوا حسابه علي تويتر من هنا: http://twitter.com/OfficialHenedy

Add a Comment

لن يتم نشر عنوان بريدك الإلكتروني. الحقول الإلزامية مشار إليها بـ *

000webhost logo