إبن سليمان

مدون.مهندس.رائد أعمال

إدارة مشروعات

أهلاً بالعالم !

السلام عليكم ورحمة الله وبركاته،،

في عودة جديدة للتدوين، عاوز اكلمكم عن علم إدارة المشروعات، رغم اني يعتبره فن أكتر منه كعلم. إدارة المشروعات من العلوم اللي مش واخدة حقها ف مصر وبيبقي غالبا اعتماد مدير المشروع – وخصوصا ف مجال المشاريع الهندسية – مرتبط ارتباط وثيق بعدد سنين الخبرة بغض النظر عن القدرات الإدارية والفنية المرتبطة بإدارة المشروع.
أولا لازم نفهم هو ايه المشروع، ايه معني كلمة مشروع. المشروع PROJECT (اى مشروع) لازم تتوافر فيه مقومات محددة:

1. محدد المدة <بداية المشروع ~ نهاية المشروع>
2. محدد الهدف <ليه بنعمل المشروع ده وايه المخرجات ال outputs اللي هتعود علينا منه>
لكن أي حاجة تانية بيبقي اسمها نشاط activity. ودي زي لما بتقول انا هافتح شركة أو محل او غيره، ده ما ميبقاش محدد المدة فيبقي نشاط. حتي ف الورق الرسمي بيبقي اسمه نشاط تجارى، نشاط مهني …. الخ.
في عندنا تعريف تاني وهو العملية PROCESS، ودى بتظهر لما نقسم المشروع لمراحل تنفيذ مختلف PHASES، ودي بتتكون من مجموعة عمليات. فالعملية هي الجزء الأصغر من المشروع. مجموعة عمليات بتديني مرحلة ومجموعة مراحل سواء متتالية او متوازية بتديني مشروع.
ودي التعريفات الأساسية اللي لازم تبقي عارفها وفاهمها كويس لما تحب تشتغل ف مجال إدارة المشروعات.
القواعد الأساسية في إدارة المشروعات لازم تعرف الفرق بين
1. المشروع PROJECT
2. النشاط ACTIVITY
3. المرحلة PHASE
4. العملية PROCESS

اترك ردا

لن يتم نشر عنوان بريدك الإلكتروني. الحقول الإلزامية مشار إليها بـ *